Manchester United u mund mbrëmjen e djeshme 0-1 ndaj Bayernit, duke i dhënë lamtumirën Europës për këtë sezon. Plot 12 ndeshje ka humbur këtë sezon United, mes Premier League, Champions League dhe Carabao Cup.
Nga 24 në total. Djemtë e Ten Hag janë thyer në 50% të dueleve të këtij sezoni!
“Djajtë e Kuq” kanë humbur 7 nga 16 sfidat e kampionatit, 4 nga 6 përballjet e grupeve në Champions dhe një nga 2 takimet në Kupën e Ligës! Këtë numër humbjesh United i pësoi gjatë gjithë sezonit të kaluar.
Skuadra kishte bërë më keq në histori vetëm në sezonin 1933/1934, kur përqindja e humbjeve (megjithëse me shumë më pak ndeshje të zhvilluara) ishte 61%. United pësoi 15 gola në 6 sfidat e grupit në Champions League. Shifër që nuk e kishte pësuar kurrë më parë një ekip anglez në fazën e grupeve.
