Selektori i Maqedonisë së Veriut, Blagoje Milevski, ka folur edhe për futbollistin Isnik Alimi.
Ai është i kënaqur që dolën në pah disa lojtarë të rinj gjatë kualifikueseve për Kampionatin Evropian.
“Në ndeshjen kundër Italisë në Shkup, patëm emra të rinj si Isnik Alimi dhe Ahmed Ilazovski, të cilët padyshim dhanë një kontribut dhe energji të re në skuadër.
Në shtator, ndryshe nga qershori, kishim edhe Miovskin, i cili më parë mungonte për shkak të lëndimit, kështu që në thelb kishim një gjysmë ekipi të ri, një skelet të ri si bazë për paraqitjen e ardhshme të kombëtares”, - tha Milevski.
