Llapi është përforcuar me mbrojtësin e Vushtrrisë, Landrit Rama.
Për transferimin ka njoftuar skuadra llapjane të martën.
"Drejtuesit e klubit dhe futbollisti kanë gjetur gjuhën e përbashkët për bashkëpunim dhe kësisoji Rama nga ky sezon do jetë pjesë e rëndësishme e klubit.
Rama është bashkuar me klubin dhe ka përfunduar gjitha përgatitjet para-sezonale, teksa do jetë i gatshëm të paraqitet qysh nga ndeshja e parë për Kupë ndaj Trepçës '89", ka njoftuar Llapi, duke shtuar se bëhet fjalë për një kontratë tri vjeçare.
Rama është transferimi i parë i klubit në afatin kalimtar të janarit.
