Milani po fillon të ndërtojë i vetëm stadiumin e ri në San Donato.
Më 25 janar, Këshilli Bashkiak i bashkisë në fjalë i dha miratimin variantit të urbanistikës për zonën e San Franceskos ku duhet të ndërtohet impianti dhe dje kuqezinjtë bënë një hap më tej.
Më saktë, duke blerë zonën ku do të ndërtohet stadiumi i shumëpritur 70 mijë vendesh.
Në fakt, të enjten, siç e parashikoi gazetari Carlo Pellegatti, ndodhi akti zyrtar me 19 herë kampionët e Italisë, të cilët shpenzuan 40 milionë euro për ta bërë të tyren terrenin në fjalë.
Milani ka blerë i vetëm tokën në këtë zonë dhe tashmë duket se kuqezinjtë do të ndërtojnë të vetëm (pa Interin) në periferi të Milanos stadiumin e ri.
