Çelsi duket se këtë javë i ka sytë nga Fulhemi dhe kjo e gjitha për shkak të Armando Brojës.
Skuadra nga Londra do të përballet me Totenhemin të shtunën dhe “Blutë” presin me padurim nëse sulmuesi i Kombëtares shqiptare do të jetë titullar ose jo.
Nëse 22-vjeçari nis nga minuta e parë këtë takim dhe çdo ndeshje tjetër deri në fund, gjë që duket mjaft e vështirë për shkak të formës së mirë që po kalon Muniz, atëherë Fulhemi ka shansin për të mos i paguar Çelsit asnjë qindarkë për huazimin e Brojës.
Në të kundërt, klubi i Premier Ligës duhet t’i paguajë 4 milionë paund rivalit të tij dhe kjo mund të ndodhë që pas këtij takimi.
Kjo për shkak të kontratës që klubet firmosën për huazimin e sulmuesit të Kombëtares shqiptare. Nëse Broja do të startonte 60% të ndeshjeve të Premier Ligës atëherë Fulhemi nuk do t’i paguante asnjë qindarkë Çelsit, por tashmë me 10 ndeshje të mbetura gjërat duken të vështira.
