NË KLASËN E PARË TË FILLORES - 18 LIBRA!!!
Në Kosovën tonë ndodhin paradokse të barabarta me çmenduri!
Në vitin shkollor që sa po filloi, nxënësit e klasës së parë të shkollës fillore, do ti kenë 18 libra!!!
Mirë po lexoni 18 libra!!!
Nuk besoj se ndokund në botë fëmija që nis klasën e parë ngarkohet me kaq shumë libra!
Unë nuk e di se kush ka vendosur kështu. Cili i mençur, cili pedagog apo profesor mendon se nxënësit të klasës së parë i nevojiten 18 libra. Thjeshtë mendoj se ky është bisnes i pandërgjegjshëm!
Nga këta "pedagogë", me siguri, me shumë libra janë të ngarkuar edhe nxënësit e klasëve të tjera!
Edhe çmimet janë shumë të larta. Të papërballueshme për prindërit.
Dikur, në klasën e parë, kishim vetëm një libër, Abetaren, por në fund të vitit dinim të lexonim, dinim të shkruanim, dinim matematikën e thjeshtë.
E sot rezultatet në arsim janë të dobëta. Të mos themi më të dobëtat në rajon e në Evropë.
Mosni more, mosni kështu! Mbildhni mendët dhe kthjellohuni! Shkolla nuk është bisnis me të cilën dikush duhet të pasurohet!
Këto foto sot i bëra në Suharekë. Me prindërit që bisedova ishin të shqetësuar, me drejt.
Kah po ecim kah po shkojmë?! Çmenduria nuk ka kufinjë. Dikush duhet të turpërohet, të përgjigjet, të dënohet....
