Dija që s’është në unitet me ndershmërinë
I ngjet ujit që pas reshjeve është i turbulluar
E për pije njerëzve fare s’u vyen
Se uji i tillë është tërësisht i helmuar.
Kur puna e tjetrit me asgjë s’përlyhet
Jeta jonë do të kthehet për së mbari
Fija e lëmshit fillon të zgjidhet
Me punën e ndershme të çdo shqiptari.
Një gjë gjithkush duhet ditur
Vetëm me njerëz të vlerës
E ardhmja jonë do të jetë e ndritur
Se ata janë e mira e pupullit dhe e vetvetes.
Kur ta kemi dijen me ndershmërinë
Edhe njerëzit me vlera që rrezatojnë
Të lumtur do ta kemi ardhmërinë
E me hapa të sigurt drejt përparimit do të shkojmë.
Jeta pra, me njerëzit e vlerës
Që për komb e atdhe punojnë
Ata janë si lajmëtarët e pranverës
Janë si bletët që mjaltë prodhojnë.
Ju burra të dijes e të ndershmërisë
Dhe ju të tjerët me vlera njerëzore
Për t’ia kthyer krenarinë shqiptarisë
Bashkërenditni punët në këto troje!