Komisionari për zgjerim i Bashkimit Evropian, Johanes Han, i cili po qëndron në vizitë zyrtare në Shkup nuk i ka takuar përfaqësuesit e Lëvizjes Besa.
Han gjatë ditës së djeshme ka realizuar takime me të gjithë partitë politike parlamentare duke filluar nga Zaevi, Ahmeti, Sela e Gruevski, por takim me përfaqësuesit e Lëvizjes Besa nuk kishte për arsye ende të paqarta.
Për dallim nga vizita e Hanit në muajin mars të këtij viti kur komisioneri ishte takuar me deputetët e Lëvizjes Besa kësaj here një takim i tillë nuk u realizua.
E si rezultat i gjithë kësaj, edhe nga Lëvizja Besa munguan komentet e paralajmërimet për një takim me Hanin ashtu siç kishte ndodhur në takimet paraprake.
