Policia e Tiranës la vënë në pranga shtatë persona, në lidhje me vepra të ndryshme penale.
Mes tyre ishte një 52-vjeçar të cilit Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Ngacmimi seksual”.
Nën pranga ka përfunduar edhe një 24 vjeç, banues në Tiranë, pasi ka ushtruar dhunë ndaj bashkëshortes së tij.
Njoftimi:
Specialistët për Hetimin e Krimeve të Komisariatit të Policisë Nr. 1 ekzekutuan vendimin penal për shtetasin I. M., 52 vjeç, banues në Tiranë, të cilit Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Ngacmimi seksual”.
Specialistët për Hetimin e Krimeve të Komisariatit të Policisë Nr. 2 arrestuan shtetasin E. H., 24 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 3 arrestuan shtetasin A. S., 43 vjeç, banues në Tiranë, pasi ka kanosur dhe ka kundërshtuar me forcë një punonjës policie, për shkak të detyrës.
Specialistët për Hetimin e Krimeve të Komisariatit të Policisë Nr. 4 arrestuan shtetasin A. M., 37 vjeç, banues në Kamëz, pasi dyshohet se ka vjedhur disa produkte në një market.
Specialistët e Komisariatit të Policisë Rrugore arrestuan shtetasit:
– K. D., 19 vjeç, banues në Tiranë, pasi u kap duke drejtuar motomjetin, pa leje drejtimi;
– E. C., 18 vjeç, banues në Tiranë, pasi u kap duke drejtuar automjetin, pa leje drejtimi, dhe nuk i është bindur urdhrave të punonjësve të Policisë, për të ndaluar;
– K. L., 30 vjeç, banues në Tiranë, pasi duke drejtuar automjetin tip “Benz”, në afërsi të ish-sheshit “Shqiponja”, është përplasur me automjetin me drejtues shtetasin L. Ç. Si pasojë janë dëmtuar dy drejtuesit e automjeteve dhe 3 pasagjerët që ndodheshin në automjetet e tyre, të cilët janë jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
