Pas lajmit se Shqipëria mori rekomandimin pozitiv në lidhje me hapjen e negociatave ka reaguar dhe Ministri për Evropën dhe Punët e Jashtme, Ditmir Bushati.
Bushati me një postim në Twitter ka përshëndetur këtë vendim të Komisionit Evropian, dhe deklaron se kjo erdhi falë reformat e thella.
“BE rekomandon qartë dhe fort hapjen e negociatave për anëtarësim. Mesazh i qartë se reformat e thella dhe të pareshtura që kemi ndërmarrë për shtetformim, më në fund po japin fryte, dhe se rajoni është pjesë organike e Evropës. Kjo është një ditë për të përveshur mëngët dhe vijuar me punën e madhe. Faleminderit Hahn për angazhimin dhe mbështetjen tuaj në rrugëtimin tonë”, shkruan Bushati.
