Një person mbeti i plagosur, pasi mbrëmjen e sotme në automjetin e tij shpërtheu një lëndë eksplozive.
Policia bën të ditur paraprakisht se lënda e dyshuar tritol, shpërtheu menjëherë sapo pronari i makinës i hyri në automjetit tip Benz me ka targë AA270IV, i cili ishte i parkuar poshtë pallatit ku ai banon.
Ngjarja ndodhi këtë mbrëmje në lagjen “29 Nëntori” në Fier dhe bëhet fjalë për shpërthim të telekomanduar.
Drejtuesi i automjetit është dërguar në spitalin e Fierit dhe mësohet se e ka kaluar rrezikun për jetën.
Policia ka vendosur perimetrin e sigurisë në zonë dhe ka nisur hetimet për të zbardhur ngjarjen.
Shpërthimi ka qenë mjaft i fuqishëm, aq sa janë thyer edhe xhamat e disa objekteve pranë automjetit, i cili është shkrumbuar thuajse totalisht.