Emri i kroatit Drazhen Petroviq, basketbollistit më të mirë të të gjitha kohërave në Kroaci, që humbi jetën tragjikisht me 7 qershor të vitit 1993, kroatët edhe sot e vajtojnë.
“I madhi i basketbollit Drazhen Petroviq sot do të ishte 58 vjeç, por jeta e tij përfundoi 29 vite më parë në një aksident tragjik automobilistik.
Vdekja e tij ishte një humbje e pariparueshme për sportin kroat. Drazheni e filloi karrierën e tij në moshën 15 vjeçare në Shibenik, nga e cila u transferua në Cibonë të Zagrebit në vitin 1984. Me Cibonën ai fitoi dy tituj të Kampionatit Evropian, Kupën e Fituesve të Kupave, një titull kampion të ish Jugosllavisë dhe tre kupa të dikurshme shtetërore.
Kjo u pasua nga një kalim në Real Madrid në vitin 1988, me të cilin ai fitoi Kupën e Spanjës dhe Kupën e Fituesve të Kupave Evropiane.
Por fati i tij ishte liga më e fortë e basketbollit në botë, në vitin 1989 kaloi Portland Trailblazers, me të cilin arriti edhe në finalet e NBA. Më pas ai shkoi në New Jersey, ku kaloi sezonin 1992/1993, si ekipi i tretë më i mirë në NBA League. Dhe pastaj jeta e tij mori fund. Ai humbi jetën më 7 qershor 1993 në autostradën afër Denkendorf në Gjermani.
Petroviq luajti shkëlqyeshëm para aksidentit në ligën e NBA dhe trajneri i atëhershëm i Houstonit me rrënjë kroate Rudy Tomjanovich, tha disa herë se këtë verë, në prag të dy titujve radhazi të NBA-së, dëshironte të sillte Drazhenin. Drazheni shënoi 44 pikë në rekordin e tij në NBA në Houston dhe Rudy ishte i vetëdijshëm se çfarë mund t'i sillte Drazheni.
“Në fund të fundit, pas aksidentit, gjeta një copë letër në portofolin e Drazhenit me emrat e katër klubeve: Knicks, Nets, Rockets dhe Panathinaikos”, - thotë Aleksandar Petroviq (63), vëllai i të ndjerit.
A donte vërtet të kthehej në Kontinentin e Vjetër dhe të luante për Panathinaikos? “Fatkeqësisht, nuk e morëm vesh kurrë se cila do të ishte zgjedhja e Drazhenit, sepse në një rrugë në Gjermani, më 7 qershor 1993, ndodhi ky aksident fatal me makinë”, shkruan mes të tjera media kroate “Veçernjlist’.
