Junior 06 Moni Bau është kampion i Kosovës te U14 në konkurrencën e femrave.
Skuadra prizrenase në finale ka mundur Trepcën me rezultat 50:62.
Prizrenaset me meritë shpallen kampionë, pasi edhe në garat e rregullta kishin 12 fitore në 12 ndeshje.
Medaljet dhe trofeun e Kupës e ka ndarë Vlora Braha, Person për Integritet në FBK.
Finalja në Mitrovicë u zhvillua në kuadër të kampanjës Her World, Her Rules.
Federata e Basketbollit e Kosovës (FBK) është pjesë e projektit FIBA Europe Girls’ Program, tash e pesë vite dhe është duke e implementuar me mjaft sukses këtë projekt.
“Her World, Her Rules” është një projekt unik dhe fushatë në mediat sociale, e udhëhequr nga FIBA Europe që ka për qëllim ta promovojë basketbollin e femrave dhe vajzave nëpër Evropë nëpërmjet aktiviteteve të ndryshme që realizohen në partneritet me Federatat.
