Golden Eagle Ylli po kalon në formë shumë të mirë. Therandasit arritën fitoren e pestë radhazi, duke mundur Sigal Prishtinën me rezultat 100:80 (26:24, 17:18, 33:19, 24:19).
Bardhekaltrit e nisën ndeshjen shumë më mirë dhe që në fillim krijuan epërsi prej 12 pikësh, 7:19, por vendasit dalëngadalë u rikthyen dhe e fituan çerekun e parë 26:24.
Therandasit vazhduan me lojë të mirë, duke pasur epërsi 6-7 pikë, por kryeqytetasit nuk lejuan shkëputjen, ku pjesa e parë përfundoi 43:42.
Periudha e tretë ishte vendimtare në këtë sfidë. Në këtë pjesë, vendasit ishin shumë më të mirë, sidomos në efikasitet dhe e fituan bindshëm këtë pjesë, ku rezultati pas 30 minutash ishte 76:61. Në dhjetë minutat e fundit nuk kishte ndonjë ndryshim të madh dhe therandasit fituan me 20 pikë dallim, 100:80.
Te vendasit u dalluan Gëzim Morina me 18 pikë, tre kërcime dhe shtatë asistime dhe Jalen Nesbitt me 18 pikë e 11 kërcime, kurse te mysafirët u dalluan Muhamedali Janjeva me 15 pikë e gjashtë kërcime, Tyron Harris me 20 pikë dhe Shaheed Davis me 17 pikë.
Golden Eagle Ylli ka gjashtë fitore e katër humbje, kurse Sigal Prishtina pesë fitore e katër.
