Ekipi i basketbollit Rahoveci është përforcuar me dy basketbollistë nga jashtë.
Rahovecianët me përforcimet e reja pretendojnë të jenë më të fortë për pjesën e dytë të kampionatit. “KB Rahoveci në afatin kalimtar që fillon nga 8-12 janar, ka paraqitur për regjistrim dy lojtarë ndërkombëtarë: Tyler Deihl dhe Tyquan Bitting nga Shtetet e Bashkuara të Amerikës.
Lojtarët e lartpërmendur mund të regjistrohet në FBK dhe të paraqitet për KB Rahovecin pas plotësimit të kritereve në bazë të Rregullores mbi regjistrimin e lojtarëve në FBK”, bëhet e ditur nga FBK. Rahoveci përfundoi në vend të katërt me 22 pikë në pjesën vjeshtore.
