Newcastle United, prej dimrit të kaluar me pronarë të rinj, ka programua goditje të mëdha gjatë merkatos së verës. Drejtuesit e “Magpies” duket se kanë siguruar shërbimet e një prej futbollistëve më premtues të futbollit francez, Hugo Ekitike, i cili ka shkëlqyer gjatë këtij sezoni në radhët e Remis me 1o gola në 24 ndeshje.
Marrëveshja, për një shifër afër 30 milionë euro plus pesë bonuse, tashmë është mbyllur, raporton Fabrizio Romano, gazetari italian i specializuar për lëvizjet e futbollistëve.
Drejtuesit e Newcastle i kanë ofruar lojtarit kontratë pesëvjeçare (e ka dhënë miratimin e tij). Tani mbetet vetëm që Reims dhe Newcastle të mbyllin detajet përfundimtare.
Edhe pse Borussia e Dortmundit ishte një nga skuadrat e mëdha më të interesuara për 19-vjeçarin, në fund Newcastle është shfaqur me konkret me ofertën e bërë si futbollistit ashti edhe klubit francez.
Sulmuesi i ri ka shënuar 11 gola dhe ka dhënë pesë asistime në 27 ndeshje në total gjatë sezonit që sapo u mbyll.
