Me moton “Të ndryshëm port ë barabartë” Shoqata Vllaznimi nga Durrësi në bashkëpunim me Federatën Shqiptare Futbollit nga data 25 qershor e deri më 5 korrik, organizon edicionin e 18-të Turneu Ndërkombëtar futbollit për grup-moshat nga U-9 e deri më U-17, dhe për vajzat pa kufi moshe.
Turneu tradicional “Vllaznimi Cup 2023” në Durrës edhe kësaj radhe do të tubon mbi 70 ekipe nga rajoni dhe jo vetëm pasi kësaj radhe do të përfaqësohet edhe me ekipe nga Turqia, Italia dhe vende të ndryshme.
Kryetari i Shoqatës Vllaznimi, Idriz Gashi, deklaroi “Çdo gjë është gatshme për një fillim spektkolar të edicionit të 18-të Turneu ndërkombëtar i futbollit për grup-moshat e reja. Durrësi për 10 ditë do të jetë kryeqiteti i fëmijëve nga gjithë Ballkani dhe jo vetëm, andaj motoja mbetet 'Të ndryshëm por të barabartë”, - tha ai
Sipas organizatorit shorti për pjesën e parë të turneut do të hidhet të dielën në orën 17:00, për grup-moshat u-9, u-11 dhe u-13.
Kujtojmë se të gjitha ekipet pjesëmarrëse krahas aktiviteteve sportive (ndeshjeve të futbollit) do të kenë raste të marrin pjesë edhe në aktivitete tjera kuturore- sportive.
