Ku ishte gjyqtari çek Jan Petrik në ndeshjen Bullgaria U21 – Kosova U21 në kuadër të Grupit D të kualifikueseve për Kampionatin Evropian në futboll.
Tri raste të rënda apo skandaloze dhe futbollistët bullgarë shpëtuan pa u ndëshkua lere me karton të kuq po as me të verdhin.
Kemi ndarë tri raste të rënda, ku mund t’i shiheni në video.
Në minutën e 78 e 35 sekonda, futbollisti Egzon Rexhaj goditet në fytyrë nga lojtari rival.
Goditja i vjen nga prapa, gjyqtari as që e ndëshkon!
Në minutën e 83 e 16 sekonda, ndërhyrje e ashpër ndaj Egzon Rexhajt, gjyqtari hesht, nuk ka as karton të verdhë se lere më i kuqi!
Në minutën e 87 e 33 sekonda, portieri Altin Gjokaj goditet keq me bërryl nga lojtari rival por edhe kësaj radhe gjyqtari hesht!
Pesë kartona të verdhë dhe një i kuq u dhanë për lojtarët e Kosovës.
Ndesha siç dihet ka përfunduar baras (1:1).
Kosova U21 e selektorit Afrim Tovërlani, u dëmtua rëndë.
