Situata e stadiumit po ndryshon gjithnjë e më shumë, pasi pasi klubet dhe këshilli vendosën të marrin në konsideratë një plan të ri ristrukturimi të San Siros, raportohet se Milani ka ofruar të ndajë projektin San Donato me Interin.
Ideja fillestare kishte qenë që të dy klubet të punonin së bashku në ndërtimin e një stadiumi të ri në thelb në parkun e makinave të stadiumit aktual, që do të nënkuptonte rrëzimin e strukturës ekzistuese më vonë.
Kjo u refuzua nga autoritetet lokale dhe kombëtare, të cilët duan të mbrohet San Siro, kështu që të dy u shkëputën për të krijuar strukturat e tyre jashtë mureve të qytetit, me Milanin në San Donato Milanese dhe Interin në Rozzano.
Sipas raportimeve nga agjencia e lajmeve ANSA, shefi i Milanit, Gerry Cardinale kontaktoi Interin për të pyetur nëse dëshironin të punonin së bashku në ndërtimin e arenës së tyre në San Donato, por Nerazzurri u përgjigj se nuk ishin të interesuar.
Ky nuk është fundi i ndryshimeve, sepse WeBuild ka propozuar një projekt që ata pretendojnë se do të jetë në gjendje të ristrukturojë San Siro pa penguar Interin dhe Milanin të luajnë rregullisht në stadium.
Kjo ishte pengesa më e madhe për klubet, kështu që thuhet se po shikohet nga Interi, Milani dhe kryebashkiaku Beppe Sala.
