Barcelona po përballet me një krizë lëndimesh përpara ndeshjes së saj në raundin e 16-të të Ligës së Kampionëve me Napolin, pasi Pedri dhe Frenkie de Jong çaluan në ndeshjen ndaj Bilbaos.
Pedri vazhdon të vuaj nga problemet muskulare dhe këtë e tregoi reagimi i tij ndaj një tendosjeje të dyshuar të muskulit, teksa u ul i përlotur në stol, ndërsa ngushëllohej nga stafi dhe shokët e skuadrës. Ishte përsëri kofsha e djathtë dhe kjo sugjeron se rikthimi i tij mund të zgjasë.
Mesfushori De Jong u largua me barelë pasi ndrydhi kyçin e këmbës së djathtë, kështu që edhe ai ka shumë pak gjasa të rikuperohet në kohë për ndeshjen e Napolit.
Ndeshja e parë e përballjes përfundoi 1-1 në stadiumin “Diego Armando Maradona” në atë që ishte d0ebutimi i trajnerit të tretë të sezonit Francesco Calzona.
Meqenëse rregulli i golave si mysafirë është hequr në turnetë e UEFA-s, ai bëhet fitues në ndeshjen e dytë më 12 mars.
Barcelona nuk do të ketë as avantazhin shtëpiak të Camp Nou, pasi stadiumi po i nënshtrohet punimeve të ristrukturimit, kështu që do të luhet në Estadi Olimpic Lluis Companys.
