Trajneri i Prishtinës, Emmanuel Egbo i është gëzuar kalimit në gjysmëfinale të Kupës së Kosovës, ndërsa ka vlerësuar paraqitjen e Igball Jasharit.
Prishtina është fituese në fuqi e Kupës, ndërsa kalimin në gjysmëfinale e siguroi me fitoren e thellë 5:1 ndaj Trepçës ’89.
“Fitorja na ka hyrë shumë në punë.
Kërkuam që sa më shpejtë të shënojmë në mënyrë që të kenë mundësi të pushojnë disa lojtarë.
Në pjesën e dytë qarkulluam topin dhe jam i kënaqur me fitoren dhe golat që shënuam.
Është mirë që kemi lojtar të rinj.
Nuk ka rëndësi mosha e tyre, por secili lojtar që fiton minuta, duhet ta jap maksimumin.
Jam i lumtur për golin e Igball Jasharit. Ai shënoi shpejt dhe më tregoi se dëshiron të ketë më shumë minuta në fushë”, ka thënë Egbo.
