Tetë ekipe në lojë për një qëllim, të bëjnë për vete kupën me “veshë të mëdhenj”. Dortmundi dhe Atletiko Madrid kompletuan konfigurimin e fazës çerekfinale në Ligën e Kampionëve.
Të premten në Nion, në orën 12:00 do të hidhet shorti, me goglat që premtojnë spektakël, pasi në këtë pikë të Ligës së Kampionëve kanë mbetur 8 ekipet më të mira në Evropë.
Arsenal, Barcelona, Bajern Munihu, Man.Siti, PSZH dhe Real Madrid janë gjashtë ekipet e tjera që më herët kishin siguruar një biletë për në fazën çerekfinale.
Ndeshjet e para të kësaj faze do të luhen me 9-10 prill, ndërsa ndeshjet e kthimit me 16-17 prill. Takimet gjysmëfinale do të luhen më 30 prill dhe 1 maj, ndërsa ndeshjet e kthimit më 7-8 maj.
