Liga e Kampioneve, turneu më prestigjioz europian i futbollit për klube, ofron jo vetëm ndeshje emocionuese dhe rivalitet sportiv, por edhe mundësi të pakrahasueshme financiare.
Secila nga 32 ekipet pjesëmarrëse në fazën e grupeve u shpërblye me 15.64 milionë euro.
Për çdo ndeshje në grup, ekipet arkëtuan 2.8 milionë euro për fitoren dhe 930 mijë euro për barazimin.
Bonuset shtohen në fazat me eliminim direkt: 16 ekipet që shkuan në 1/8-at përfituan 9.6 milionë euro, ndërsa çerekfinalistet 10.6 mln.
Bileta në gjysmëfinale shpërblehet me 12.5 milionë euro. Kush shkon në “Uembli” arkëton 15.5 milionë euro, ndërsa fituesi merr 20 milionë euro.
