Kombëtarja Shqiptare u mposht 3:0 nga Kili në miqësoren e parë të këtij muaji.
Tashmë kuqezinjtë nuk kanë kohë për të humbur, pasi sfida tjetër është shumë afër.
Sylvinho me ‘djemtë’ e tij duhet të kthejnë fokusin tashmë te miqësorja e tyre.
Sfida me Suedinë do të luhet ditën e hënë në orën 19:00.
Pavarësisht se është një sfidë miqësore, por fitorja ndaj Suedisë është shumë e rëndësishme.
Braziliani do të synojë të kthejë skuadrën te rezultatet pozitive dhe të korrigjojë gjërat që nuk shkuan siç duhet ndaj Kilit.
Një takim i rëndësishëm, pasi Sylvinho do të ‘piketojë’ edhe lojtarët që do të ketë në Euro 2024. Do të vendosë pikat mbi “i” dhe fitorja do të shërbente edhe për moralin e skuadrës.
