Juventus raportohet të jetë interesuar te Matteo Darmian, por nuk ka shumë gjasa që ai të largohet nga United në janar.
Lojtari i përfaqësueses italiane ka vuajtur të gjejë një vend titullari në Old Trafford këtë sezon, duke bërë vetëm dy ndeshje nga minuta e parë në Premier League.
Tani Tuttosport raporton se Bardhezinjtë janë duke monitoruar situatën e tij, teksa 28-vjeçari është pothuajse i sigurt që do të largohet nga United në fund të sezonit.
Darmian mund të luajë në të dyja krahët e mbrojtjes, por edhe si qendërmbrojtës në një mbrojtje me tre.
Gjithsesi, nuk ka shumë mundësi që Djajtë e Kuq do ta lejojnë të largohet në janar, kështu që me shumë mundësi një transferim do të ndodhë në verë.
