Superliga e Kosovës vjen me dy ndeshje shumë interesante sot.
Liderët e tabelës, KF Drita në shtëpi do të presin fqinjët e Vllaznisë së Pozheranit, për të zhvilluar ndeshjen e xhiros së 27-të.
Drita do të kërkojë fitoren për t’i ikur në tre pikë Prishtinës, e cila me fitoren ndaj Besës një ditë më parë, numëron 50 pikë, aq sa skuadra gjilanase.
Ndeshja e rëndësishme dhe interesante do të jetë edhe ajo mes kampionëve të Trepçës ’89, që do të presin në Mitrovicë Vëllaznimin e Gjakovës.
Të dy ndeshjet fillojnë nga ora 15:00.
