Marc-Ter Stegen është një nga portierët më të mirë në botë dhe këtë e tregon çdo fundjavë, në çdo ndeshje. Por, ai, gjithashtu, sillet si çdo qytetar tjetër i zakonshëm në Barcelonë. Kjo e bën atë edhe më të madh. Këtë fundjavë e tregoi përsëri se sa “tokësor” është, pavarësisht famës dhe milionave që fiton.
Gjermani u kap duke udhëtuar me metro në Barcelonë, jo me makinë luksoze, sikurse bën pjesa dominuese e kolegëve të tij në mbarë botën. Por, ja që ndodh, aq më tepër kur bëhet fjalë për një gjerman. Ter Stegen nuk e ka për hiçgjë që të frekuentojë metronë e Barcelonës, duke bërë udhëtimin si njeri i zakonshëm në qendër të qytetit.
Ai është integruar shumë mirë në Barcelonë. Nuk ishte hera e parë që kapej duke shijuar qytetin katalanas përmes një udhëtimi të tillë. Në mars, një tjetër imazh i portierit, që po udhëtonte me një motor skuter, u bë viral në rrjetet sociale.
