Përzgjedhësi i kombëtares së Islandës, Heimir Hallgrimsson, ka fjalë miradije për kombëtaren e Kosovës, me të cilën takohen me 24 mars në stadiumin ‘Loro Boriçi’ në Shkodër, në kuadër të xhiros së pestë të kualifikimeve për Kampionatin Botëror. “Do të mundohemi të shënojmë. Ata kanë filluar të luajnë së fundmi. I kanë zhvilluar katër ndeshje dhe do ta japin maksimumin nga vetja. Më duhet ta lavdëroj trajnerin Albert Bunjaki, i cili aq shpejt e ka krijuar një skuadër të freskët dhe të sinkronizuar mjaft mirë. Ata nuk e kanë luksin të llogarisin në lojtarë që kanë luajtur së bashku kohë të gjatë, në ekipin A apo tek të rinjtë. Sidoqoftë, është zbavitëse ta shohim se çka mund të ofrojë një grup që ka harmoni”, ka thënë Hallgrimsson. Sipas tij, fitorja iu duhet shumë ndaj Kosovës: “Fitorja ndaj Kosovës do na krijonte një avantazh të madh dhe motiv shtesë për ndeshjen e qershorit me Kroacinë. Për këtë edhe synojmë të fitojmë. Por, nuk do të ishte katastrofë nëse nuk i marrim tri pikët më 24 mars”.
