Një foshnjë tetë muajshe është ndër pesë rastet e reja të Covid-19 ne Uganda të raportuara të mërkurën, duke sjellë numrin e përgjithshëm në 14 persona që kanë testuar pozitiv në vend.
Drejtori i Përgjithshëm i Shërbimit Shëndetësor i Ugandës, Dr. Henry Mwebesa në një fjalim televiziv tha në mesin e pesë rasteve të reja janë dy shtetas kinezë që shpëtuan nga një karantinë institucionale me katër të tjerë.
Ata u gjetën të fshehur në rajonin e Nilit Perëndimor në kufi me Republikën Demokratike Lindore të Kongos dhe Sudanin e Jugut, dhe do të akuzohen më vonë në gjykatë, thanë autoritetet.
Rastet e tjera të konfirmuara përfshijnë një 8-vjeçar, babai i të cilit kishte udhëtuar në Kenia javën e kaluar, si dhe një 63-vjeçar që mbërriti në Uganda nga Gjermania, ndersa një rast tjetër nuk kishte histori udhëtimi jashtë vendit, tha Mwebesa.
Uganda ka ndërmarrë hapa të rreptë në përpjekje për të ndaluar përhapjen e virusit në vend.
Ata ishin një nga vendet e para afrikane që vendosën kufizime të udhëtimit për qytetarët e saj dhe të tjerët që udhëtojnë nga 16 vende për të cilat tha se kishte një numër të lartë të rasteve të koronavirusit, përfshirë SHBA dhe Britaninë e Madhe, raportoi CNN, transmetoi Bota Sot.
