Gjithsej 35 fëmijë mësojnë në shkollën bullgare të së dielës "Slancho" në Afrikën e Jugut, ka thënl drejtori i saj, Anton Nikolov në një intervistë për BTA. Fëmijët i ndjekin mësimet në dy objektet e shkollës: një në Midrand, Johannesburg dhe tjetri në Cape Town.
Shkolla u hap në vitin 2009 në kuadër të programit bullgar të shkollave të së dielës jashtë vendit të Ministrisë së Arsimit dhe Shkencës, shpjegoi Nikolov.
Sipas tij, kultura bullgare mund të ruhet duke u mësuar fëmijëve gjuhën bullgare që ata të lexojnë dhe të shkruajnë, si dhe përmes folklorit - këngëve, vallëzimeve, poezive.
"Kjo është ajo që ne mësojmë në shkollën tonë - gjuhë dhe letërsi bullgare, nga klasa e parë në të katërt, dhe së fundmi, nga e pesta dhe e gjashta. Ndërsa fëmijët rriten, klasat pakësohen, por çdo vit kemi nxënës të klasës së parë - fytyra të reja, të buzëqeshura dhe të gatshëm për të mësuar”, tha Nikolov. Ai vuri në dukje se bullgarishtja nuk është gjuha e parë e fëmijëve dhe ata rriten në një mjedis anglishtfolës.
