Në Sudan, dy të tretat e objekteve shëndetësore në zonat e prekura nga konflikti i armatosur janë mbyllur, paralajmëroi Organizata Botërore e Shëndetësisë të mërkurën, duke shprehur shqetësim të madh për mundësinë e shpërthimit dhe përhapjes së fruthit, malaries si edhe etheve të dengës.
“Dy muaj dhunë kanë ndikuar rëndë në ofrimin e shërbimeve shëndetësore, duke lënë 11 milionë njerëz në nevojë për ndihmë shëndetësore… rreth dy të tretat e objekteve shëndetësore në zonat e prekura janë jashtë shërbimit,” tha drejtori i përgjithshëm i OBSH-së, Dr. Tedros Andanom Ghebresus.
Shërbimet e nevojshme nuk ofrohen – repartet e urgjencës, klinikat pediatrike, shërbimet për të kequshqyerit dhe njerëzit me sëmundje jo të transmetueshme nuk funksionojnë.
OBSH ka regjistruar 46 sulme në objektet shëndetësore që nga shpërthimi i luftës midis forcave të armatosura dhe paraushtarakëve.
