Ish shefi i protokollit dhe truproja e presidentit Ibrahim Rugova, Adnan Merovci, përmes një postimi në ka folur për Delegacionin e Kosovës në Rambujes, përcjell “Bota sot”.
Ai në këtë postim ka shkruar se, Delegacioni i Kosovës në Rambuje nënshkroi “betimin” e pranimit të Marrëveshjes që ishte më i rëndësishëm se sa vet nënshkrimi solemn i Marrëveshjes së Rambujesë 22 ditë më vonë (18.03.1999) në Paris.
Ky postim i ti është shkëputur nga një fragment në librin i tij “Kështjella e (mos) Marrëveshjes”, Merovci ka treguar një detaj nga data 23.02.1999, kur gjatë qëndrimit në Rambuje presidenti Ibrahim Rugova, kishte refuzuar një takim me ministrin e atëherëshëm të Punëve të Jashtme të Shqipërisë, Paskal Milo.
Postimi i plotë:
Veç fakte!
Saktë para 20 vitesh, Delegacioni i Kosovës në Rambuje nënshkroi “betimin” e pranimit të Marrëveshjes që ishte më i rëndësishëm se sa vet nënshkrimi solemn i Marrëveshjes së Rambujesë 22 ditë më vonë (18.03.1999) në Paris.
“DITA 18
E martë, 23.02.1999, Rambuje
• RUGOVA refuzon takimin me Paskal MILON
• RUGOVA: “Pa UÇK-në nuk e nënshkruajmë Marrëveshjen”
• THAÇIN e “mashtrojmë”, Edita TAHIRI përlotet
• SURROI menaxhon mirë
• Nënshkruhet “betimi”
Ora 07:00. Tak, tak, tak, dikush trokiti në derën time. Ishte Bukurie GJONBALAJ, e cila tha se Kryetari RUGOVA ka takim me Ministrin e Jashtëm të Shqipërisë, Paskal MILO, në oborrin e Kështjellës, në orën 8:00. E njoftova Kryetarin RUGOVA, por ai refuzoi të shkonte në këtë takim. Shkuan të tjerët. Pas mëngjesit me Kryetarin shkuam në sallën e takimeve. Asgjë e re. Nga takimi me Ministrin MILO kthehen THAÇI, QOSJA, SYLA dhe SURROI”.
Nga libri: “Kështjella e (mos) Marrëveshjes” e Adnan MEROVCIT i cili do të dal nga shtypi së shpejti.
