Kryeministri i Kosovës, Ramush Haradinaj ka përshëndetur propozim rezolutën e deputetëve të Kuvendit të Kosovës, lidhur me pezullimin e aktiviteteve të kazinove dhe lojërave të fatit në Kosovës.
Haradinaj, thotë se, ditë më parë ka kërkuar inicimin e procedurave të nevojshme të cilat do të rezultonin me mbylljen dhe pezullimin e aktiviteteve të kazinove dhe lojërave të fatit.
“Përballë kësaj gjendjeje, ne nuk do të lejojmë që këto vende të jenë arenë e krimit dhe të marrin jetë njerëzish”, shkruan kryeministri Haradinaj në Facebook, transmeton gazeta “Bota sot”.
Më poshtë, postimi i plotë i kryeministrit Haradinaj:
Përshëndes propozim rezolutën e 49 deputetëve të Kuvendit të Republikës së Kosovës, lidhur me pezullimin e aktiviteteve të kazinove dhe lojërave të fatit dhe plotësim ndryshimin e ligjit përkatës.
Ditë më parë, si Kryeministër i vendit kam kërkuar inicimin e procedurave të nevojshme brenda ekzekutivit, të cilat do të rezultonin me mbylljen dhe pezullimin e aktiviteteve të kazinove dhe lojërave të fatit.
Përballë kësaj gjendjeje, ne nuk do të lejojmë që këto vende të jenë arenë e krimit dhe të marrin jetë njerëzish. Ekzekutivi dhe organet e sigurisë, tashmë janë mobilizuar për të reaguar dhe parandaluar degradimin e mëtejmë. RH
