Avokati Tomë Gashi, në 20-vjetorin e vrasjes, ka kujtuar avokatin Bajram Kelmendi dhe dy djemtë e tij Kastriotin dhe Kushtrimin.
Gashi ka thënë se Kelmendi në Tribunalin e Hagës paraqiti kallëzim penal për krime lufte ndaj popullatës shqiptare në Kosovë edhe kundër vetë diktatorit Sllobodan Millosheviq dhe funksionarëve të tjerë të Jugosllavisë dhe Serbisë.
“Për këtë Millosheviqit nuk i mjaftoj vetëm vrasja e avokatit, por bashkë me të vrau edhe dy djemtë e tij Kastriotin dhe Kushtrimin, i cili ishte 16 vjeçar”, ka shkruar avokati Gashi.
Ja postimi i tij:
20 vjet nga vrasja e Avokatit më të mirë shqiptarë !
Sot 20 vite më parë Policia okupuese serbe e Millosheviqit vrau avokatin më të mirë shqiptarë Bajram Kelmendin, për shkak të të mbrotjes së të drejtave të shqiptarëve të Kosovës.
Avokati Bajram Kelmendi në Tribunalin e Hagës paraqiti kallëzim penal për krime lufte ndaj popullatës shqiptare në Kosovë edhe kundër vetë diktatorit Sllobodan Millosheviq dhe funkcionarëve të tjerë të Jugosllavisë dhe Serbisë.
Për këtë Millosheviqit nuk i mjaftoj vetëm vrasja e avokatit, por bashkë me të vrau edhe dy djemët e tij Kastriotin dhe Kushtrimin, i cili ishte 16 vjeçar.
