Ish deputeti i Kuvendit të Kosovës, Driton Tali ka ironizuar presidentin e Kosovës, Hashim Thaçi përmes një tregimi.
Ai ka shkruar në Facebook, ku ka thënë se shoferi i presidentit Thaçi shkel me veturë një qenë, e shkon te familja e tij e qenit, por kthehet i dehur.
Postimi i plotë:
Natën t'u shku Hashimi me shofer t'vetin në nji takim ju del nji qenë në rrugë.
Kot mundohet shoferi i Hashës m'i ik qenit mos me shkel, por e shkel dhe e len n'ven.
Hasha i thotë: çu shko te i zoti i qenit dhe kallxoj e kërkoj falje se s'ka kuptim.
Shkon shoferi. Vonohet nja dy orë. Kur kthehet, me një shishe raki n'dorë dhe krejt i disponueshëm.
Hasha pe vet: çka u vonove kaq shumë? M'bone marak.
Shoferi: Nuk um lëshun se nuk um lëshun pa darkë. Bile edhe qet shishe ma dhanë me veti.
Hasha: qysh more, pse?!
Shoferi: unë ju thashë "jom shofer i presidentit Thaçi dhe që sa e myta qenin!!!".
