Njohësi i zhvillimeve politike në vend, Nexhat Haziri, përmes një shkrimi në Facebook, ka bërë një kërkesë publike.
Ai ka kërkuar që të shkarkohet kreu i shtetit të Kosovës, Hashim Thaçi, përcjell "Bota sot".
“Kuvendi i Kosovës duhet ta inicion shkarkimin e Hashim Thaçit nga detyra e Presidentit të Republikës”, ka thënë mes tjerash Haziri në Facebook.
Ja postimi i tij në Facebook:
Të shkarkohet Presidenti !
Për dëbimin e gjashtë shtetasve turq, të njohur në opinion si “Gylenist”, përgjegjësi të drejpërdrejt ka presidenti i vendit Hashim Thaci, pasi nën urdhërat e tij kishin vepruar ish-shefi i policisë Shpend Maxhuni dhe ish-shefi i AKI-se, Driton Gashi. Për më tepër me lejen e presidentit Thaci, pjestarët e shërbimit të fshehtë turk, MIT, kan kryer arrestimin e shtetasëve turq të konsideruar nga diktatorit Erdogan si armiq të popullit dhe të shtetit turk.Më këtë veprim Thaci ka shkelur Kushtetutën e Republikës duke bërë edhe puc institucional dhe në këtë mënyrë ka rrezikuar jo vetëm rendin kushtetues dhe juridik të vendit por ka rrezikuar edhe sigurinë kombëtare.Mbi këtë bazë, Kuvendi i Kosovës duhet ta inicon shkarkimin e Hashim Thacit nga detyra e Presidentit të Republikës.(n.h)
