Pasi Hashim Thaçi dhe deputeti Hajdar Beqaj akuzuan deputetin e LDK-së Anton Qunin se s’ka qenë kurrë në luftë dhe në fronte, videot e shpërndara që tregojnë të kundërtën e kësaj nuk kanë të ndalur.
Së fundi, është publikuar një tjetër video nga lufta në Kosharë. Aty nën komandën e Agim Ramadanit dhe Anton Qunit, kishin shkatërruar dy mjete dhe kishin vrarë 26 paramilitarë serb.
Gazeta “Bota sot”, edhe ditën e djeshme publikoi një video-incizim nga Beteja e Koshares, nga e cila demantohej presidenti Thaçi dhe deputeti Beqa për deklarimet e tyre të fundit ndaj deputetit Quni.
Ndërsa, edhe në videon e fundit, shihet Agim Ramadani, i njohur ndryshe si komandant “Katana”, duke urdhëruar ushtarët e tjerë të veprojnë në shpejtësi, para se armiku të ndërmerr ndonjë veprim tjetër.
