Kushtetuta e Republikës së Kosovës, e cila është seruar e gatshme nga të huajt, me mangësitë dhe telashet që i ka po i nxjerr lakuriq liderët politik para popullit.
Kështu po vlerëson njohësi i proceseve politike në Kosovë, Agron Halitaj, i cili thotë se kjo po ua çjerrë maskat liderëve politikë.
Sipas tij, Kushtetuta lakuriq po i nxjerr liderët tanë para popullit dhe para botës.
“Kushtetuta të cilën na kanë servuar të gatshme të huajt, me gjithë mangësitë që i ka dhe me gjithë telashet që po na i nxjerrë, e ka edhe një të mirë- po ua çjerrë maskat liderëve politikë! Po i nxjerr lakuriq para popullit e para botës, se ata nuk e kanë në plan të parë shtetin, por interesat e ngushta politike. Kur Kushtetuta është e heshtur dhe nuk jep zgjidhje në raste të caktuara, u takon liderëve që të dëshmojnë vullnet e përkushtim për gjetjen e një zgjidhjeje sa më të favorshme për shtetin dhe kështu të krijojnë precedent pozitiv që mund të shërbejnë edhe në të ardhmen për zgjidhjen e problemeve të ngjashme. Mjerisht, deri më sot, çdo zbrazëtirë kushtetuese është shfrytëzuar vetëm për të keq”, shkruan Halitaj në Facebook, transmeton gazeta “Bota sot”.
