Nënkryetari i VV-së, Besnik Bislimi ka thënë se ministrat e Qeverisë Haradinaj kanë qenë të pazotë.
“Për me hy në Qeveri as nuk duhet me pas shkollë e as kurrëgjë. Duhet me ditë me numëru deri në 100”, ka thënë ai.
Sipas tij shembulli me i mirë për pazotësinë e ministrave është ministri në detyrë i Drejtësisë, Abelard Tahiri.
“Kqyreni Abelardin edhe e kuptoni me së miri nivelin e ministrave”, ka thënë ai.
E Tahiri i është kundërpërgjigjur se është për keqardhje se në çfarë niveli ka rënë Bislimi. Sipas Tahirit VV-ja është parti e korruptuar. Ka marrë shembull siç ka thënë ai ish-shefin e grupit parlamentar të VV-së, Glauk Konjufca.
“Shefi i grupit parlamentar të VV-së e sjellë emrin e gruas në Kuvend për votim për Bordin e RTK-së dhe sillet aty nëpër Kuvend”, ka thënë Tahiri.
Nënkryetari i VV-së, Bislimi është shprehur kundër diskutimit për taksën, e vendosur nga kryeministri në Haradinaj.
“Është turp që pas 24 muajsh ne ende flasim për taksën… Me u mburrë Qeveria për një vendim të mentalitetit të tuxharëve”, ka thënë Bislimi.