Pacolli: Kushdo që i fiton zgjedhjet do të vijë tek ne - Bota Sot
Pacolli: Kushdo që i fiton zgjedhjet do të vijë tek ne

Aktuale

Pacolli: Kushdo që i fiton zgjedhjet do të vijë tek ne

Më: 7 shtator 2019 Në ora: 22:28
Behgjet Pacolli

Behgjet Pacolli, kryetar i AKR-së, parti kjo që është në koalicion parazgjedhor me Nismën dhe PD-në, deklaroi se do të jenë pjesë e qeverisë së ardhshme.

Në Zona Zgjedhore Pacolli tha se nuk kanë vendosur vija të kuqe dhe se pas 6 tetorit do të diskutojnë me fituesin e këtyre zgjedhjeve.

“Ajo parti që i fiton zgjedhjet nuk do ta këtë konsensusin ta formojë qeverinë e vetme dhe do të kthehet prapë të shikoje në mesin e partive tjera se kujt do t’ia bëjë ofertën për bashkëqeverisje”.

“Kjo ofertë gjithsesi do t’i bëhet boshtit tonë. Ne nuk pretendojmë t’i fitojmë zgjedhjet por kushdo që i fiton zgjedhjet do të vijë tek ne”.

“Diku kemi më pak punë e diku kemi më shumë punë. Diku kontrata e koalicionit qeverisës do të jetë një faqe e diku 100 faqe. Do të jemi pjesë e qeverisë, na deshën apo s’na deshën”.

Pacolli tha se si parti liberale janë të hapur dhe se fokusi kryesor i tyre do të jetë tek programi qeverisës.

Ai tutje diskutoi për ideologjitë politike përderisa dha disa vlerësime për partitë shqiptare.

“Në qoftë se i sheh programet e partive politike nuk ka asnjë ideologji të përcaktuar. Secili ka fut diçka në program ashtu siç i ka ra ndër mend”.

“AKR-ja në programin e saj e reflekton gjithmonë atë idealin dhe anën liberale të të vepruarit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...