Veseli u premton mbështetje veteranëve të vërtetë dhe largimin e veteranëve të rremë - Bota Sot
Veseli u premton mbështetje veteranëve të vërtetë dhe largimin e veteranëve të rremë

Aktuale

Veseli u premton mbështetje veteranëve të vërtetë dhe largimin e veteranëve të rremë

Më: 21 shtator 2019 Në ora: 15:11
Pamje nga tubimi i Veselit

(E plotësuar) - Kandidati për kryeministër nga PDK-ja, Kadri Veseli, sot në Prishtinë ka takuar qindra veteranë të luftës së Ushtrisë Çlirimtare të Kosovës, të cilëve u tha se së bashku të angazhohen për largimin e veteranëve të rremë, por gjithashtu u veteranëve të punësuar në sektorin privat u premtoi pagë 80 përqind, ndërsa të punësuarve në institucione publike 50 përqind të pagesës së veteranit.

Veseli i cili fillimisht ishte i ulur në mesin e shokëve të tij të luftës, tha se kategoritë e luftës, duke përfshirë këtu familjet e dëshmorëve, invalidët, veteranët, familjet e viktimave civile, ish të burgosurit politikë, përbëjnë një pjesë të ndjeshme të shoqërisë dhe meritojnë përkujdesje të veçantë nga shteti.

Veseli: PDK-ja do ta zgjidhë çështjen e mashtruesve në listat e veteranëve

“PDK-ja do të vazhdojë të jetë krah jush edhe më shumë në mandatin e ardhshëm, duke shtuar përkujdesin për ta. Ne do t’i luftojmë pa kompromis abuzimet dhe shpërdorimet, duke ndërmarrë hapa konkretë për ta zgjidhur njëherë e mirë çështjen e mashtruesve që janë futur në mënyrë abuzive në listat e veteranëve të Ushtrisë Çlirimtare të Kosovës. Unë besoj në nevojën e aplikimit të politikave aktive sociale edhe tek çështja e veteranëve tanë. Kjo qasje e politikave aktive sociale, nënkupton nxitjen e kategorive të ndryshme sociale që të jenë sa më të pavarura, të mos kenë varësi nga ndihma e qeverisë, të jenë sa më të integruara në shoqëri dhe të jenë pjesëmarrëse në jetën ekonomike të vendit”, tha Veseli.

Ai inkurajon veteranët që të kenë një rol sa më aktiv në shoqëri dhe fuqizim sa më të madh ekonomik.

Lideri i PDK-së ka premtuar se për ta inkurajuar punësimin në sektorin privat dhe luftuar informalitetin, në mandatin e ardhshëm një nga vendimet e para do të jetë që të gjithë veteranët e punësuar në sektorin privat ta marrin 80 përqind pagesën e veteranit, ndërsa, për të punësuarit në sektorin publik që marrin para nga taksapaguesit, kjo pagesë e veteranëve do të bëhet në 50 përqind.  

Veseli: Pres që ju veteranë të UÇK-së të mbështetni luftën kundër korrupsionit

“Përveç pensioneve, përfituesit e skemës së veteranëve do të vazhdojnë të kenë benificione në lirim nga shpenzimet e energjisë elektrike dhe lirim nga shpenzimet e zhdoganimit të veturave. Për familjet e dëshmorëve dhe martirëve kemi bërë një padrejtësi, ku në tre mujorin e parë nuk do të ketë në asnjë familje të tillë ndarje të pensioneve kontributdhënëse. Po ashtu, unë pres që ju veteranë të UÇK-së të mbështetni luftën kundër korrupsionit, e cila është shkaktarja më e madhe e emigrimit të të rinjve dhe pengesa më e madhe për të ardhmen e Kosovës”, deklaroi Veseli.

Kjo qasje e politikave aktive sociale, sipas Veselit, nënkupton nxitjen e kategorive të ndryshme sociale që të jenë sa më autonome, të mos kenë varësi nga ndihma e qeverisë, të jenë sa më të integruara në shoqëri dhe të jenë pjesëmarrëse në jetën ekonomike.

Ai theksoi mes tjerash se si ish-luftëtarë mbajnë mbi supe barrën e rëndë të amanetit të bashkëluftëtarëve që kanë rënë në fushëbeteja, të cilët kanë ëndërruar një Kosovë të lirë, të pavarur dhe të zhvilluar. Lideri i PDK-së u tha veteranëve se bashkë kanë luftuar për ta çliruar Kosovën nga pushtuesit dhe bashkë duhet të luftojmë për ta çliruar Kosovën edhe nga korrupsioni.

Veseli: Bashkë duhet çliruar Kosovën edhe nga korrupsioni

 “Bashkë luftuam për ta çliruar Kosovën nga pushtuesi dhe bashkë duhet çliruar Kosovën edhe nga korrupsioni. Edhe kur nisëm luftën kundër pushtuesit patëm shumë të tillë të cilët ishin skeptikë, pesimist, apo cinik, por ne ja kemi dalë të fitojmë lirinë. Të gjithë e dimë që kjo luftë është gjithashtu e vështirë, do të ketë shumë pengesa, por ne do t’ia dalim. Ne do të fitojmë për të ndërtuar të ardhmen e Kosovës, për ju, për fëmijët tanë, për shtetin tonë të shenjt, Republikën e Kosovës”, tha ai.

Ndërsa, kryetari i Shoqatës së Veteranëve të UÇK-së, Hysni Gucati u bëri thirrje veteranëve të luftës së fundit që të votojnë në këtë zgjedhje shokët e tyre me të cilët kanë qenë në front të luftës së UCK-së.

***

Kandidati për kryeministër nga PDK-ja, Kadri Veseli, sot në Prishtinë ka takuar qindra veteranë të luftës së Ushtrisë Çlirimtare të Kosovës, ku ka thënë se bashkë me veteranët do të punon për të zgjidhur çështjen e veteranëve të rrejshëm që janë hyrë në lista.

Veseli i cili fillimisht ishte i ulur në mesin e shokëve të tij të luftës, tha se kategoritë e luftës, duke përfshirë këtu familjet e dëshmorëve, invalidët, veteranët, familjet e viktimave civile, ish të burgosurit politikë, përbëjnë një pjesë të ndjeshme të shoqërisë dhe meritojnë përkujdesje të veçantë nga shteti.

“PDK-ja do të vazhdojë të jetë krah jush edhe më shumë në mandatin e ardhshëm. Ne do t’i luftojmë pakompromisë abuzimet dhe shpërdorimet, duke ndërmarrë hapa konkretë për ta zgjidhur njëherë e mirë çështjen e mashtruesve që janë futur në mënyrë abuzive në listat e veteranëve. Unë besoj në nevojën e aplikimit të politikave aktive sociale edhe tek çështja e veteranëve”, ka thënë ai.

Kjo qasje e politikave aktive sociale, sipas Veselit, nënkupton nxitjen e kategorive të ndryshme sociale që të jenë sa më autonome, të mos kenë varësi nga ndihma e qeverisë, të jenë sa më të integruara në shoqëri dhe të jenë pjesëmarrëse në jetën ekonomike.

“Ju inkurajoj që të kenë një rol sa më aktiv në shoqëri”, u ka thënë Veseli atyre.

Ai në takim me veteranët tha se në tre mujorin e parë do të nxjerrin ligjin për vlerat e UÇK-së, që tanimë është në Kuvendin e Kosovës.

Veseli u premton veteranëve të punësuar në sektorin privat pagë të plotë, të punësuarve në institucione 50 % dhe largimin e veteranëve të rremë

Lideri i PDK-së ka premtuar se për ta inkurajuar punësimin në sektorin privat dhe luftuar informalitetin, në mandatin e ardhshëm qeverisës do të vendosë që të gjithë veteranët e punësuar në sektorin privat ta marrin 80 përqind të pagesës së veteranit. Kurse, për të punësuarit në sektorin publik që marrin para nga taksapaguesit, Veseli ka thënë se kjo pagesë e veteranëve do të bëhet në 50%.

“Përveç pensioneve, përfituesit e skemës së veteranëve do të vazhdojnë të kenë benificione në lirim nga shpenzimet e energjisë elektrike dhe lirim nga shpenzimet e zhdoganimit të veturave. Po ashtu, do u jepet përparësi në marrjen e kredive për hapjen e bizneseve apo në suvencione bujqësore, në mënyrë që veteranët të ndërtojnë bizneset e tyre të suksesshme dhe të bëhen pjesë e rritjes ekonomike të vendit”, ka thënë Veseli.

Në anën tjetër, ai ka kërkuar nga veteranët mbështetje në luftën kundër korrupsionit, e cila është shkaktarja më e madhe e emigrimit të të rinjve dhe pengesa më e madhe për të ardhmen e Kosovës.

“Unë jam i bindur që juve ju dhimbset Kosova si pakkujt tjetër, sepse ju keni qenë të gatshëm ta jepni jetën për Kosovën. Të gjithë ne si ish-luftëtarë mbajmë mbi supe barrën e rëndë të amanetit të bashkëluftëtarëve që na kanë rënë në fushëbeteja afër nesh, të cilët kanë ëndërruar një Kosovë të lirë, të pavarur dhe të zhvilluar. Prandaj ju ftoj të gjithëve që të bashkoheni në luftën kundër korrupsionit për ta ndërtuar të ardhmen e Kosovës”, ka thënë Veseli.

Lideri i PDK-së u ka thënë veteranëve se bashkë kanë luftuar për ta çliruar Kosovën nga pushtuesit dhe bashkë duhet të luftojmë për ta çliruar Kosovën edhe nga korrupsioni.

Veseli ka thënë se edhe kjo luftë do të jetë e vështirë, por sërish do të fitojnë për të ndërtuar një të ardhme më të mirë për Kosovën dhe gjeneratat e reja.

Kryetari i Shoqatës së Veteranëve të UÇK-së, Hysni Gucati bëri thirrje veteranëve të luftës së fundit që të votojnë në këtë zgjedhje shokët e tyre me të cilët kanë qenë në front të luftës së UÇK-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...