Lëvizja Vetëvendosje është solidarizuar më të lënduarit nga tërmeti i fuqishëm që ndodhi në Shqipëri.
Përmes një deklarate, Lëvizja VETËVENDOSJE! shpreh solidaritetin e saj me Shqipërinë, veçanërisht me njerëzit që janë prekur nga kjo fatkeqësi natyrore.
Deklarat e plotë:
Solidaritet me të lënduarit nga tërmeti në Durrës e Tiranë
Tërmeti i fuqishëm që tronditi Durrësin dhe Tiranën ka lënduar dhjetëra njerëz e ka dëmtuar rëndë disa objekte banesore. Lëvizja VETËVENDOSJE! shpreh solidaritetin e saj me Shqipërinë, veçanërisht me njerëzit që janë prekur nga kjo fatkeqësi natyrore. Shpresojmë që të lënduarit të bëhen mirë sa më shpejt, e sigurisht që edhe mbështetësit tanë do të bashkohen në mbështetje e ndihmë për bashkëkombasit tanë, sapo të merren vesh se cilat janë përmasat e dëmeve ekonomike e pronësore, dhe nevojat urgjente.