Profesori Zenun Elezaj, i ftuar në emisionin Pressing të T7, ka thënë se një tërmet i ngjashëm si ky i që goditi Durrësin, kishte ndodhur në Kosovë rreth 100 vjet më parë.
“Një tërmet i ngjashëm ka ndodhur rreth 100 vjet më parë në Kosovë, përkatësisht në Gjilan”, ka thënë Elezaj.
Gjithashtu Elezaj tregoi se ky tërmet konsiderohet tërmeti më i madh në historinë e Kosovës.
“Tërmeti i tillë është regjistruar si tërmeti më i madh në Historinë e Kosovës”, shtoi Elezaj.
Një tërmet i fuqishëm prej me magnitudë 6.4, ka goditur Durrësin rreth orës 4 të mëngjesit. Tërmeti shkaktoi dëme të mëdha materiale dhe deri më tash 21 viktima kanë humbur jetën derisa qindra të tjerë janë të lënduar.
Në mesin e të vdekurve janë edhe dy të rinj (vëllezër) nga Gjilani i Kosovës.
Gjithashtu gjatë ditës Shqipëria është goditur përsëri nga një tjetër tërmet me magnitudë prej 4.0.
Gjatë 16 orëve të fundit, Shqipëria është goditur nga 26 tërmete.
