Enver Dugolli nga Lëvizja Vetëvendosje, ka bërë një reagim në profilin e tij në Facebook, ku ka kritikuar të parin e vendin, se si krejt kundër traditës dhe rregullave institucionale ka organizuar një paradë në FSK.
Sipas Dugollit, ky gjest i Presidentit, përveçse është i pa pranueshëm, është edhe i rrezikshëm.
“Kompetencat e Presidentit i përshkruan qartë Kushtetuta e Republikës së Kosovës e cila edhe pse Presidentit të vendit ja njeh të drejtën e Komandantit të Përgjithshëm, FSK duhet ti nënshtrohet kontrollit të autoriteteve civile të zgjedhura në mënyrë demokratike. Autoritet civil i zgjedhur është Qeveria, prandaj në kushtet normale (përjashto gjendjen e jashtzakonshëm), Ministri i Mbrojtjes dhe Qeveria janë autoriteti të cilit FSK-ja do duhej ti përgjigjeshin e jo tekave të Presidentit”, shkruan ai në Facebook.
Ja shkrimi i tij:
Festa e Pavarësisë së Kosovës nuk është private!
Agjenda protokollare e Qeverisë së Kosovës për shënimin e 12 vjetorit të Pavarësisë së Republikës së Kosovës shkoj shumë bukur, edhe pse Këshilli Organizativ i Qeverisë Kurti, nuk kishte shumë kohë në dispozicion për të treguar ndonjë kreativitet.
Mirëpo, edhe në këtë festë, doli dikush që e stërkeqi angazhimin institucional. E ky dikush, është hiq më pak se Presidenti i Kosovës.
Ai nuk mori pjesë në ceremoninë qendrore shtetrore në FSK, ku ishin prezent të gjitha institucionet dhe drejtuesit e tyre (duke përfshi edhe Ambasadorë e përfaqësues të misioneve diplomatike), por veproj krejt kundër traditës dhe rregullave institucionale duke organizu një paradë në FSK, krejt private vetëm për nevojat e tij personale!!
Ky gjest i Presidentit, përveçse është i pa pranueshëm, është edhe i rrezikshëm. Kompetencat e Presidentit i përshkruan qartë Kushtetuta e Republikës së Kosovës e cila edhe pse Presidentit të vendit ja njeh të drejtën e Komandantit të Përgjithshëm, FSK duhet ti nënshtrohet kontrollit të autoriteteve civile të zgjedhura në mënyrë demokratike. Autoritet civil i zgjedhur është Qeveria, prandaj në kushtet normale (përjashto gjendjen e jashtzakonshëm), Ministri i Mbrojtjes dhe Qeveria janë autoriteti të cilit FSK-ja do duhej ti përgjigjeshin e jo tekave të Presidentit.
Në këtë paradë, askund nuk u duk ndonjë përfaqsues civil i zgjedhur. Kishte gjeneral, drejtues ushtarak dhe një Presidenti gjysëm i informuar. Ky nuk është mesazhi që qytetarët e republikës do duhej të merrnin në këtë festë.
Mjerisht, kjo që po shohim, më shumë i ngjason një përpjekje të deshtuar të një grushtshteti se sa shënim i ditëlindjes së Republikës së Kosovës.