(E plotësuar) - Qeveria e Kosovës ka miratuar sonte në mbledhjen e saj virtuale pikën përmes së cilës kufizohet lëvizja e qytetarëve.
Sipas kësaj pike nga nesër qarkullimi ndalohet nga ora 10:00 e mëngjesit deri në orën 16:00 dhe nga ora 20:00 deri në 06:00.
Këtë e ka konfirmuar zëvendëskryeministri Haki Abazi përmes telefonit.
****
Qeveria e Kosovës së shpejti pritet t’i publikojë masat e reja, për luftimin e koronavirusit.
Ndër masat e propozuara është edhe “Lëvizjet në rrugë bëhen jo më shumë se dy persona së bashku dhe gjithmonë duke mbajtur distancën dy metra me të tjerët”.
Poashtu, nga ora masat e ekzekutivit, pritet të ndalojnë qarkullimin e njerëzve dhe automjeteve Ndalimi i qarkullimit të qytetarëve dhe automjeteve pritet të ndahet në dy kohë të ndryshme.
Mbledhja e qeverisë pritet të mbahet sonte në formë virtuale dhe do të votohet për masat e reja të cilat do të aplikohen prej nesër.
