Ministrja e Jashtme, Meliza Haradinaj Stublla, është takuar me Përfaqësuesen e Përhershme të ShBA-ve në Nato, znj.Kay Bailey Hutchinson.
Përmes një postimi në Facebook, ajo ka thënë se SHBA janë dritë udhëheqëse e Kosovës drejt integrimit në NATO, përcjell Bota sot.
Ajo ka thënë se në takimin shprehu mirënjohjen për mbështetjen e madhe të SHBA-ve në të gjitha proceset integruese, duke shtuar se Kosova është e gatshme për të ecur para drejt integrimit të plotë në NATO.
Postimi i plotë i saj në Facebook:
Shtetet e Bashkuara të Amerikës, janë dritë udhëheqëse e Kosovës drejt integrimit në NATO.
Ishte nder i veçantë të takoj Përfaqësuesen e Përhershme të ShBA-ve në Nato, znj.Kay Bailey Hutchinson.
Shpreha mirënjohjen e thellë për mbështetjen e madhe të ShBA-ve që ka dhënë në të gjitha proceset për Kosovën si dhe përkahjen e vazhdueshme për avancimin dhe modernizimin e Ushtrisë së Kosovës sipas standardeve të NATO-s.
Kosova është e gatshme për të ecur para drejt intergrimit të plotë në NATO - dhe këtë rrugëtim do ta bëjmë me punë, angazhim e koordinim të plotë me aleatin tonë të pëhershëm - ShBA-të.
Kosova, anëtare e NATO-s është më shumë paqe, siguri dhe mbrojtje kolektive për të gjithë familjen e madhe euro-atlantike.