Ramush Haradinaj, ka shkruar se e vlerëson lartë gatishmërimë e presidentit Thaçi që t’i përgjigjet pozitivisht ftesës për intervistim nga Gjykata Speciale.
Haradinaj, ka thënë se shqiptarët kanë bërë lufë të pastër dhe të drejtë për të mbrojtur pragun e shtëpisë, shkruan “Bota Sot”.
Për fund, Haradinaj ka shkruar se nuk egziston asnjë gjyq që mund të gjykojë përpjeken e një populli për të jetuar të lirë.
Postimi i plotë:
Shqiptarët kanë bërë luftë të pastër dhe të drejtë, në mbrojtje të pragut të shtëpisë, dinjitetit dhe Atdheut. Në çdo rrethanë përgjatë tërë historisë, kemi dëshmuar pjekuri, guxim, mikpritje e bashkëpunim, e këtë e dëshmon edhe gatishmëria jonë anipse nga pozita e viktimës, t'i përgjigjemi thirrjeve të drejtësisë sado të pa drejta qofshin ato.
E vlerësoj lartë gatishmërinë e presidentit Thaçi që t'i përgjigjet pozitivisht ftesës për intervistim nga Gjykata Speciale. Lufta e popullit shqiptar, të rreshtuar përkrah UÇK-së ishte e drejtë, vlera e së cilës, pavarësisht përpjekjeve për ta dëmtuar, nuk do t'i humbë as sot, e as kurrë. Nuk i kemi ikur asnjëherë ballafaqimit me drejtësinë sa herë ajo e ka kërkuar këtë, pa marrë parasyshë pozitat tona shtetërore, i jemi përgjigjur dhe do t'i përgjigjemi.
Nuk ekziston asnjë gjyq që mund ta gjykojë përpjekjen e një populli për të jetuar si gjithë të tjerët të lirë në tokën e vet.
RH
