Ministri i Punës dhe Mirëqenies Sociale, Skender Reçica, ka njoftuar se ai së shpejti do të jetësoj njërin nga prioritetet e tij kryesore, që ka të bëj me njohjen e stazhit të punës për të punësuarit e viteve 90-ta, të dëbuar me dhunë nga puna nga pushteti serb.
Ministri Reçica tha se ky është ndër prioritetet për të cilin është duke u angazhuar shumë, për faktin se ky kriter pa të drejtë ka penalizuar shumë qytetarë për të fituar pensionin kontributiv.
Reçica e ka quajtur si të pa drejtë, duke shtuar se sa më shpejt duhet larguar me ndryshime ligjore vënien e pragut për përfitim të pensionit kontributiv 15 vite kontribute para lufte, e që si pasojë kishte lënë pa pensione kontributive të larguarit nga puna, punëtorët e dëbuar me dhunë në vitet e 90-ta. Këtë informatë ai e ka dhënë sonte në televizionin publik.
