Kryetari i komunës së Drenasit, Ramiz Lladrovci, ditë më parë lajmëroi që është i infektuar me COVID-19.
Tash gazeta ka mësuar që Lladrovci edhe është shtrirë në spital.
Për të konfirmuar këtë gjë edhe për të mësuar për gjendjen e tij shëndetësore, ka kontaktuar me zëdhënësin e komunës Bekim Dobra.
I njëjti ka thënë që është në pushim, megjithatë ka qenë në dijeni për një kërkesë që ai të shtrihet në spital, por që nuk ka informata më shumë.
Ndërsa më pas gazeta ka kontaktuar edhe me drejtorin e Shëndetësisë në Drenas, Arsim Haxhiun, i cili i ka konfirmuar gazetës se ka më shumë se dy ditë që Lladrovci është shtrirë në spital.
Megjithatë, Haxhiu ka thënë që gjendja e Lladrovcit është e mirë e stabile.
