Deputetja nga radhët e Lidhjes Demokratike të Kosovës, Besa Gaxherri, ka komentuar praninë e saj në fotografi me anëtarët e LVV-së, fotografi kjo e cila i jepte mbështetje kandidatit të LVV-së për udhëheqje të Podujevës, Shpejtim Bulliqi.
Ajo ka mohuar të përkrah këtë kandidat dhe se fotografinë e ka realizuar rastësisht me kolegët deputetë nga LVV.
Gaxheri thotë se është tradhëtuar nga deputetët e Lëvizjes Vetëvendosje, të cilët pjesmarrjen e saj në fotografi e kanë keqpërdorur.
“Ata ishin duke e bërë një foto dhe unë kalova andej më thanë eja bashkohu unë u bashkova për të bërë foto me kolegët. Tash e pash në gazeta që ata mua më citojnë që edhe unë e mbështes kandidatin e VV- së në Podujevë Shpejtim Bulliqi. Me të vërtetë janë gjëra të pa pranueshme ashtu siç përdorën nga Vetëvendosja, për kundër që ne mundohemi t’i largojmë keqëkuptimet prap me këta është problem. Unë e mbështes Nexhmi Rudarin dhe nuk është fer të përdorët në tjetër kontekst fotografia”, ka thënë Gaxherri.